Na EPS queremos saber: Cooperativa agraria provincial de A Coruña - 28 febreiro

 NA EPS QUEREMOS SABER

 

Venres 28 de febreiro - 10h

Sala de xuntas da EPS

 

 

https://agaca.coop/ag_cooperativa/cooperativa-agraria-provincial-de-a-coruna-s-coop-galega/

A COOPERATIVA AGRARIA PROVINCIAL 

DE

 A CORUÑA:

A importancia das persoas nun proxecto de éxito.

 

 Intervirá: Juan José Freire Quintáns

 Responsable de servizos técnicos

WEBINARIO "Emprendimiento sostenible en el medio rural"

 

*Emprendimiento Sostenible en el Medio Rural*

📅Viernes 21 de febrero ás 10:00 (online)

 

Evento para *presentar o servizo de apoio a proxectos de emprendemento no medio rural*.

Ao longo destes anos, teñen definido e validade unha metodoloxía adaptada ás necesidades das persoas emprendedoras e incorporando melloras no acompañamento e formación dirixida á súa idea de negocio.

*Noticia* https://coceder.org/comunicaciones/noticias/coceder-presenta-una-nueva-edicion-de-itinerarios-de-emprendimiento-en-el-medio-rural

*Inscripciones* https://events.teams.microsoft.com/event/6bc357e5-5896-4035-91ec-01db5ec567bc@98ed0507-62f1-4c82-b854-d4753a7c771b

 

 

Xornada centenario RUTH MATILDA ANDERSON en DUMBRIA - 23 novembro 2024

 

 

 23 de novembro de 2024

Xornada divulgativa en torno ao centenario da primeira visita que a fotógrafa e etnógrafa americana Ruth Matilda Anderson fixo á Costa da Morte, deixando instantáneas sobre a vida cotiá, os oficios e as costumes que xa forman parte da historia da bisbarra. 

Acto, promovido polo Concello de Dumbría co obxectivo de «poñer en valor o importantísimo e minucioso labor realizado por Anderson», de ollar á historia deste concello costeiro e reivindicar o papel das mulleres na construción da sociedade «que hoxe coñecemos».

 

Programa

10.30 Apertura da xornada, no edificio Bitácora do Ézaro.

11.00 «O país das mulleres de Ruth Matilda Anderson. Unha ollada en clave de xénero cara a Galicia do primeiro terzo do século XX», por Ana Cabana Iglesia.

11.30 «Ruth Matilda Anderson, tradutora e reivindicadora das mulleres galegas e da Galicia longamente ocultada», por Alba Rodríguez Saavedra.

12.15 Pausa-café.

13.00 Intervención de Patrick Lenagham, por videochamada, dende os Estados Unidos.

13.30 Mesa redonda con Alba Rodríguez, Ana Cabana e Santiago Garrido. Pechará as intervencións da quenda de mañá.

16.00 A actividade retomarase cun faladoiro que moderará, de novo, Santiago Garrido: «Conversando cos nosos maiores sobre a Dumbría dos últimos cen anos».

INTERVENCIÓN DE ANA CABANA IGLESIA

https://www.instagram.com/concellodedumbria/reel/DCteeN1tkOM/

ARREDOR DO RURAL. APRENDIZAXES DENDE AS VOCES DAS MULLERES - 5 decembro - Lugo

 

A Cátedra Juana de Vega da USC organiza no Campus Terra de Lugo, o vindeiro 5 de decembro, unha xornada para fomentar a colaboración entre a Universidade e as iniciativas para a sustentabilidade e a xustiza no medio rural galego. Baixo o título 'Arredor do rural. Aprendizaxes dende as voces das mulleres' levaranse a cabo actividades focalizadas no recoñecemento do labor pola innovación social no rural feita polo emprendemento das mulleres que o habitan, e pensada para promover a creación de sinerxías e a colaboración con profesorado e estudantado unviersitario. 

Este evento xorde da colaboración entre a Cátedra Juana de Vega, destinada ao estudo de iniciativas e procesos de modernización do sector primario de Galicia e a reflexionar sobre o papel xogado neles polas mulleres, e o colectivo interdisciplinario Comunidade de Accións e Saberes Arredor do Rural, formado por persoal universitario, estudantado e profesionais e activistas do medio rural, que levan tempo promovendo a colaboración entre academia e medio rural a través de prácticas docentes e de investigación que derruben os muros entre contextos e asenten territorios para o coñecemento.

A xornada comezará en quenda de mañá na Escola Politécnica Superior de Enxeñería (EPSE) da USC, ás 10.30 horas, coas palestras das profesoras Mar Pérez Fra (departamento de Economía Aplicada) sobre 'Mulleres e espazos rurais en Galicia: desafíos e conquistas' e Elena Freire Paz (departamento de Filosofía e Antropoloxía) sobre as 'Facedoras de marca. Mulleres rurais na Galicia do século XXI'. A seguir, haberá unha sesión de microconversatorios entre os proxectos asistentes, dando espazo para o coñecemento mutuo e o fervedoiro de ideas.

A cooperativa A Carqueixa dos Ancares proporcionará o xantar na Facultade de Humanidades, de maneira que poida continuar a conversa informal. Xa en quenda de tarde haberá unha feira na que diferentes organizacións amosarán o seu traballo a partir das 15.30 horas, para logo deixar paso ao faladoiro entre experiencias de emprendemento socioeducativo, no que participarán as Cooperativas Arabías e Amarelante, a Asociación Darredor, o Centro de Desenvolvemento Rural Portas Abertas e a Asociación de Productoras Eo Alimenta. Un faladoiro que será gravado en formato podcast para ampliar o seu alcance. Rematarase o encontro ás 19.00 horas coa elaboración dunhas conclusións comúns. Xuvenlab, spin-off da USC, organizará talleres científicos para a cativada durante a sesión de tarde para posibilitar a conciliación das participantes e asistentes.

 O prazo de inscrición permanece aberto a través dun formulario en liña. 

PROGRAMA

Encontro Rede do Rural - 26 outubro

 

Lugar do encontro: https://maps.app.goo.gl/hjVBg6YJkq3wGfdH9

Data: Sábado, 26 de outubro de 2024.

Horario: de 10:00 a 20:00 horas.

Organiza:  Rede do Rural  https://www.rededorural.org

 

PROGRAMA 

Para inscribirte, envía un correo  a  regaeder@gmail.com  ata o 21 de outubro cos seguintes datos: 
Nome completo, correo-e, teléfono. 
Desde onde viaxarás? 
Permites que a organización difunda a outras persoas asistentes o teu correo-e para compartires vehículo propio ou alleo? 

Se estás interesado en xantar con nós, tamén  podes consultar o menú  e o prezo a través do mesmo correo.
Por suposto podes traer acompañantes. En todo caso hai que cubrir os datos anteriores para cada persoa.

O POBO ESCOLA

 

Na EPS queremos saber: Proxecto ALTRI - venres 3 de maio. 19h

 

O Grupo de Innovación Docente Ruralia organiza a mesa redonda ‘O proxecto de Altri á luz da experiencia do modelo forestal portugués’, na que especialistas do país veciño reflexionaran sobre a incidencia que podería ter en Galicia a macro-planta de celulosa desta empresa lusa en caso de chegar finalmente a instalarse. O evento terá lugar o próximo venres 3 de maio ás 19h00 na Sala de Xuntas da Escola Politécnica Superior de Enxeñaría de Lugo.

Os conferenciantes son Paulo Pimenta de Castro, presidente da dirección da Associação de Promoção ao Investimento Florestal, e João Carvalho, do Departamento de Ciências Florestais da Universidade de Trás-os-Montes e Alto Douro (UTAD). Con unha recoñecida traxectoria no ámbito da silvicultura, analizarán a experiencia do modelo forestal portugués e o impacto que Altri tivo nese país, para tratar de obter leccións aplicables ao caso galego.

Paulo Pimenta de Castro é licenciado en Silvicultura polo Instituto Superior de Agronomía da Universidade de Lisboa. Foi profesor, coordinador de cursos e autor de programas de Formación Profesional no ámbito forestal. Foi técnico superior da Confederación de Agricultores de Portugal, secretario xeral da Federación de Produtores Forestais de Portugal – Consello Nacional Forestal (FPFP/CNF) e da Asociación Nacional de Empresas Forestais, Agrícolas e Ambientais (ANEFA). Foi membro do Consello Asesor Forestal do Ministerio de Agricultura e foi experto no Consello Consultivo Forestal e Cortiza da Comisión Europea. É consultor e preside a Xunta Directiva de Acréscimo, Asociación para a Promoción do Investimento Forestal e a Xunta Directiva Nacional de Iris, Asociación Nacional de Medio Ambiente. É coautor do libro “Portugal em Chamas – Como Resgatar as Florestas” (Bertrand Editora, 2018). Escribe regularmente artigos de opinión no xornal portugués Público.

Pola súa parte, João Carvalho é professor de Silvicultura e Dendrologia da UTAD e é membro da dirección da Organização Europeia de Silvicultura – Pro Silva – Integrated Forest Management. Realizou o doutoramento na área da Silvicultura e um pós-doutoramento na mesma área nos EUA (USDA Forest Service, Southern Research Station e NCS University, Fulbright). É membro do Centro de Investigação e de Tecnologias Agro-Ambientais e Biológicas (CITAB).

Carvalho ten traballado en varios programas e accións na especialidade, en diversos proxectos de I+D, con diferentes institucións e organizacións en Portugal, Europa e os EUA, relacionados coa silvicultura, as follosas e o carballo, en materias como a ecoloxía, produción, silvicultura, funcións e aproveitamentos.

Integrou o grupo inter-institucional para a Estratégia Nacional de Adaptação às Alterações Climáticas para as Florestas. 

Integrou unha comisión de especialistas científicos da Comisión Europea/EU-EFI relacionada coa Estratexia para a Biodiversidade e a Estratexia para as Florestas EU2030.

Esta é a segunda mesa redonda que organiza o grupo de innovación docente Ruralia sobre o proxecto de Altri en Galicia. Na primeira, o pasado 23 de abril, participaron tres profesores do Campus Terra da USC e tivo un amplo éxito de participación, logrando encher a Sala de Xuntas da EPSE.

O proxecto da empresa pasteira portuguesa Altri en Palas de Rei (Lugo) consiste na implantación dunha macro-planta de celulosa, cunha extensión equivalente a catro veces a fábrica de ENCE en Pontevedra. O proxecto conta coa declaración de proxecto industrial estratéxico (PIE) por parte da Xunta de Galicia. Estímase que tería un consumo anual de 1,2 millóns de toneladas de eucalipto, utilizaría diariamente 46.000 metros cúbicos de auga e expulsaría 30.000 metros cúbicos de refugallos tratados ao río Ulla.

PERMACULTURA - EPS - 24 de abril