Montes vizinhais em mao comum - 22 decembro - EPS

 NA EPS QUEREMOS SABER:

   

Labores de resinado - CM Baroña. Fot. tomada de  https://www.campogalego.es

 

 Os montes vizinhais em mao comum como recurso multifuncional para o desenvolvimento rural. 

O caso da CM de Baroña 

(Porto do Son)

 

 Xoves, 22 de Outubro ás 16:00 horas

 Aula 7 da EPS

Palestra a cargo de

Ovidio Queiruga

Presidente da CMV de Baroña

 

Organiza:

Grupo de Innovación docente Ruralia

Dep. Economía Aplicada

Dep. Historia Contemporánea

Dep. Ecoloxía

 

 

 

 

REDE DO RURAL

 

A Rede Galega de Educación e Desenvolvemento Rural, abreviadamente chamada REDE DO RURAL, xorde como reacción ante a situación de xeral desfeita que sofre o mundo rural. Constitúese esta Rede, con vocación de funcionamento asembleario, dentro dunha conformación de pluralidade e coincidindo na inquedanza común de preservar e desenvolver o rural galego.

Desde o pasado 13 de decembro  conta cun espazo propio na web:

https://www.rededorural.org/

 

PREMIO ARESA 2020

 

                                                                      Fot. de Santi Albite - web USC

O Premio Aresa, un galardón impulsado pola USC e Aresa para fomentar o desenvolvemento rural, favorecer e mellorar o benestar das persoas que viven no mundo rural valorará na súa vixésima primeira edición aquelas iniciativas desenvolvidas no campo galego durante a pandemia como alternativas de vida ou para axudar a outros, así como outras accións impulsadas por colectivos especialmente afectos pola COVID-19.

O prazo de presentación de candidaturas a esta nova convocatoria do Premio Aresa permanecerá aberta ata as 14.00 horas do 31 de decembro de 2020 nos rexistros, tanto físico como electrónico, de que dispón a USC nos seus campus de Lugo e de Santiago de Compostela. Todas as candidaturas, cuxa memoria de presentación non poderá exceder de 25 páxinas, deberán constar da documentación necesaria para que o xurado poida facer a súa valoración da proposta, tal e como se recolle nas bases da convocatoria, que están accesibles na web www.premioaresa.com.

TERRA CREATIVE JAM - O FUTURO SOSTIBLE - 25 e 26 nov.

 

 

 

O Terra Creative Jam é un evento creativo de xeración de ideas. Durante dous días estudantes e titulados/as do Campus de Lugo participarán en diferentes talleres e resolverán desafíos sociais, ambientais e tecnolóxicos e achegarán solucións para un “futuro sostible”.

O evento terá lugar o 25 e 26 de novembro na Facultade de Administración de Empresas do Campus de Lugo, tocará varias temáticas: economía verde, produción eficiente e sostible; educación inclusiva e de igualdade; emprendemento dixital e uso das TIC´S no rural;  industrias creativas e sector audiovisual; alimentación e vida saudable e a búsqueda do benestar animal e mellora do medio ambiente. As ideas, productos e servizos que se desenvolvan deberán estar ligados a temática do evento.

Os participantes (sós ou en equipo) poderán disfrutar dunha primeira xornada de ideación, con xogos de creación de ideas e proxectos sostibles, formación con workshops específicos e prototipaxe con maquinas 3D, gamificación, realidade virtual e podcast. A segunda xornada consistirá nun Hackaton onde por equipos traballarán no seu prototipo para crear a súa solución sostible e expoñela o xurado.

O equipo gañador terá unha praza para desenvolver a súa idea no Programa Explorer e no programa de incubación Atlantic Youth Creative Hubs (AYCH) onde poderá facer unha residencia e prácticas internacionais. Ademais cada un dos membros do equipo gañador, recibirá unha cámara GoPro como regalo.

Este evento está promovido polo Campus Terra a través da Área de Valorización, Transferencia e Emprendemento (AVTE)  en colaboración coa  Área de Orientación Laboral e Emprego no Campus de Lugo e a incubadora Lug Open Factory  no marco de colaboración co proyecto AYCH  Interreg Atlantic Area.

A asistencia a esta actividade é gratuíta. Facilitaráselles aos asistentes aloxamento e mantenza durante os dous días que dura a Terra Creative Jam

Aberto prazo de inscrición ata o 24.11.20. Prazas limitadas. Reserva a túa praza e inscríbete no seguinte enlace: http://www.aychcreativejams.eu/rexistro/

Consulta o programa completo en: http://www.aychcreativejams.eu/terra/

Toda a información en: https://www.youtube.com/watch?v=Z3-KMyCXuso&feature=youtu.be

 

ENCONTROS DEBATE MEDIO RURAL - OUTUBRO 2020

 

A convocatoria dos Encontros por cuarto ano consecutivo constitúe, globalmente, unha proposta para a análise da situación do medio rural galego na actualidade. Esta análise realízase, por unha parte, desde a óptica especialmente educativa, pero tendo en conta que o que sucede no ámbito da educación non é nada máis que o reflexo dunha realidade global moito máis complexa. Por outra, exemplifícase esta análise nunha comarca ben definida -aínda que non recoñecida administrativamente- que ten sufrido nas últimas décadas unha transformación evidente e que, ao tempo dun progresivo e evidente despoboamento, foi quen de ir vendo nacer no seu seo iniciativas que provocan que non sexa utópico enxergar no horizonte un futuro posible. Esa comarca é a Terra de Miranda.

Obxectivos da actividade.-

1. Analizar e explicar, situándoa no seu contexto, a realidade educativa no medio rural galego, en xeral, e na Terra de Miranda en particular.
2. Identificar, a carón desa realidade educativa analizada, as características -naturais, económicas, sociais, asociativas...- que determinan o estado actual da comarca.
3. Situar estes elementos analizados e identificados, no contexto de Galicia e na procura da concepción dunha estratexia global de desenvolvemento do medio rural.
4. Particularmente, poñer en común experiencias educativas que contribúan á planificación dunha estratexia educativa galega concibida desde e para o medio rural.

 

Máis información aquí