O MUNDO RURAL GALEGO A DEBATE - 25.11.14

X Encontro Europeo de Comités de amigos do MST 24 - 26 outubro

 

Para máis información consultar a páxina web de Amarante

http://www.amarantesetem.org/

O MUNDO RURAL GALEGO A DEBATE

BANDA DESEÑADA: "Rural. Crónica de un conflicto", de Étiene Davodeau

Étienne DAVODEAU, Rural. Crónica de un conflicto, Barcelona, Ediciones de la Cúpula, 2013 [ed. orix. francesa, Eds. Delcourt, 2001]
Rural é un interesante exercicio de BD-documental onde o autor, segundo proclama no preámbulo, pretende plasmar "o relato dun anaco da nosa vella amiga a realidade". Ese anaco de realidade sitúase nunha pequena comunidade rural do departamento francés de Maine-et-Loire entre os veráns de 1999 e 2000 con algunhas regresións temporais necesarias para contextualizar o conflito ao que fai referencia o subtítulo da obra. A construción dunha autoestrada (a A-87) altera o proxecto económico e vital de moitos dos seus veciños, singularmente unha parella de neorrurais, que perderá por mor da obra a súa casa, froito de dez anos de duro traballo de rehabilitación, e tres labregos novos que asociados nunha AAEC (Agrupación Agrícola de Explotación en Común) están a levar adiante unha granxa ecolóxica de vacún para a produción de leite.
Identificamos perfectamente os diferentes actores do conflito: sectores enfrontados da comunidade, as autoridades locais e estatais, a concesionaria ASF (Autoestradas do Sur de Francia). Un marco institucional onde Sindicatos (dende a poderosa FNSA ata a Confederation Paysanne), asociacións de produtores, axencias de certificación xogan o seu papel. Podemos seguir o desenvolvemento do conflito pero tamén o ritmo regular dos labores cotiás da casa duns e da granxa dos outros.
En síntese un bo punto de partida para debater sobre as mudanzas acontecidas no mundo rural nas últimas décadas. Como conclúe o autor: "o valado [da autoestrada] separa dúas formas de proceder: dunha banda, un novo enfoque do medio ambiente respectuoso, lixeiro e sostible; da outra, unha infraestrutura pesada e contaminante que se impón pola forza en nome da rendabilidade a curto prazo. O inconvinte deste tipo de barreira é que, por forza, hai que se situar dunha banda ou da outra dela. Se te sentas enriba, pícaste o cú"

V CONGRESO INTERNACIONAL DE AGROECOLOXÍA E AGRICULTURA ECOLÓXICA

 

máis información en

http://webs.uvigo.es/economiaecoloxica/nova.php?id=12 

II XORNADAS RURAIS - O RURAL QUERE XENTE Ernes (Negueira de Muñiz)

 máis información en:

http://xornadasrurais.wordpress.com/2014/05/21/ii-xornadas-rurais/

videos - Agricultura e Europa

"A AGRICULTURA EN EUROPA"

Desde o Grande Ghetto de Foggia, onde milleiros de persoas viven en condicións inhumás, ate os invernadoiros de Almería, onde traballadores e traballadoras  viven amoreados nos propios invernadoiros.
En Europa impera un mesmo sistema de explotación que nos permite a europeas e europeos botar ao prato calquera hortaliza en calquera época do ano.
Pero nesta ecuación algo chirría: nin as persoas que traballan, nin as que consumen, nin aquelas que son propietarias dos terrenos se benefician desta situación. Quen impón entón este sistema? Quen se beneficia del? E unha pregunta máis importante aínda: como podemos facer para millorar a calidade e o prezo do que consumimos e á vez evitar a explotación de seres humáns na industria agroalimentaria?

"AS DESPENSAS DE EUROPA"
 Hai lugares en Europa que producen grandes cantidades de alimentos para todo o continente. Moitas empresas teñen traballadoras e traballadores á súa disposición que reciben salarios moi por baixo dos convenios.
Algunhas destas empresas non pagan, pero as persoas que traballan para elas non poden reivindicar o seu salario por falla de regularización dos seus documentos no país. Isto é sabido por gobernos e grandes comercializadoras, responsables directos desta situación.
Moitas das regulamentacións de Responsabilidade Social que obrigan ás empresas esíxense en paises emprobrecidos, nos que se recoñece que hai explotación.
O problema é que ninguén recoñece que en Europa a explotación da man de obra está á orde do día, moi perto da escravitude.

X XORNADAS INTERXERACIONAIS RURAIS XERMADE (24, 31 maio e 7 xuño)

‘Aprendendo cos nosos maiores’ é o lema adoptado pola Xornadas Interxeracionais Rurais para a súa décima edición, que comeza este sábado 24, e que se desenvolverá noutras dúas sesións os días 31 de maio e 7 de xuño no concello de Xermade. 

Fronte a anteriores edicións, as xornadas mostrarán a visión dos veciños e veciñas respecto destes encontros e o que representan para eles e elas, profundando ademais no valor das xornadas como punto de encontro entre veciñanza, profesionais, xuventude e maiores e o intercambio de experiencias, cultura e reflexións.

Máis información aquí

Podedes visionar o filme neste enlace

https://www.youtube.com/watch?v=tbP6Ffo-sMM

" A EDUCACIÓN: DEREITO OU MERCADORÍA?" 10 de marzo

O próximo luns, día 10 de marzo, presentarase en Lugo (salón de actos da Facultade de Formación do Profesorado) o libro "A educación: dereito ou mercadoría?", que vén de editar Laiovento.

Nesta obra colectiva, membros do colectivo galego de renovación pedagóxica NOVA ESCOLA GALEGA reflexionan sobre o trasfondo dos modelos educativos e sobre a organización do ensino, nun contexto lexislativo desfavorable aos principios pedagóxicos que, teoricamente, ata o momento perseguía o noso sistema educativo: comprensividade, democracia, equidade, crítica e transformación.

A coordinadora do libro, Mariló Candedo (presidenta de Nova Escola Galega) introducirá o acto poñendo de manifesto a pertinencia na actualidade da pregunta do título, no marco da recente aprobación da LOMCE. Participarán na mesa outros autores do libro, que resaltarán os cambios máis significativos que vai introducir a contra-reforma educativa do goberno de Rajoy.

http://xornadasrurais.wordpress.com/